2 Chronicles 12
Shishak in Jerusalem Sim
1Rehoboam dinmun kumpi-in a kip khit nungin amah thahat a, ama ompih Israel ▼▼12.1 Tua in, Judah, 2Kh. a om thithe te tawh kibang
in TOPA thukham a nusia uh hi. 2Amaute TOPA tungah a muanhuai lohna hangin Egypt kumpipa Shishak in Rehoboam a kumpi suah zawh a kum ngana kumin Jerusalem a sim hi. 3Sakolleng tul le zanih le sakol tungtuang tulsawmguk le Libya-te, Sukki-te le Cush-te ▼▼12.3Tua in, Nile kual tungnung lam pana mite
galkap sim zawh loh tawh Egypt panin kuankhia uh a, 4kulha ki-um Judah khuapite la-in Jerusalem dong a tung uh hi. c 5 Tua ciangin Shishak kihta in Jerusalem a kikhawm Rehoboam le Judah makaite kiangah kamsangpa Shemaiah pai-in amaute kiangah, “TOPA gen hih ahi hi: ‘Note in kei nong nusia uh hi, tua ahi ciangin tu-in note Shishak tungah kong nusia hi,’ ci hi,” a ci hi. 6 Israel makaite le kumpipa kiniamkhiat uh a, “TOPA a thutang ahi hi,” a ci uh hi. d 7 Amaute a kiniamkhiat lam uh TOPA in a muh ciangin Shemaiah tungah hih TOPA thu a tung hi: “Amaute a kiniamkhiat nungsangun, amaute ka susia kei dinga manlangin ka hukhia ding hi. Shishak tawnin Jerusalem tungah ka thangpaihna ka sungkhia kei ding hi. 8Amaute in keima nasemte le gamdangte kumpite nasemte a kilamdanna a theih nadingun bangbang ahi zongin ama nasem a suak ding uh hi,” a ci hi. e 9 Egypt kumpipa Shishak in Jerusalem a sim ciangin TOPA biakinnpi le kumpi inn-a om goute a puakhia hi. Ama lak goute khempeuh lakah Solomon in kham tawh a bawl lumte zong kihel hi. 10Tua ciangin Rehoboam in tuate tang dingin sumngo lumte bawl a, kumpipa inn lutna cingte a ukte a ap hi. 11TOPA biakinnpi ah kumpipa a pai peuhpeuh ciangin a cingte in amah zui-in lumte keng uh a, tua khit ciangin a kicing inndei ah tuate a ap kik zel uh hi. f 12 Rehoboam a kiniamkhiatna hangin ama tung pan TOPA hehna kihei a, amah a susia khin kiuhkeuh kei hi. Hitakpi hi, Judah khua sungah a hoih pawlkhat a om hi. g 13 Kumpi Rehoboam amah le amah Jerusalem ah khotakin kikipsak a kumpi a semsuak hi. Amah kumpi a suahin kum sawmli le khat hi-a, Israel behte khempeuh lak panin TOPA in a Min koih nadingin a teelsa khuapi Jerusalem ah kum sawm le sagih sung a uk hi. A nu min Naamah hi a; Ammon-te ahi hi. 14Amah in TOPA zon ding a lungsim ah nahvawh kha lo ahi manin a sia-in a gamta hi. 15 Rehoboam in a uk sunga a sepsate a kipatna panin a tawpna dong kamsangpa Shemaiah le thumupa Iddo ciamtehnate sungah khangthute tawh kigelhkhawm lo ding ahi hiam? Rehoboam le Jeroboam kikal ah kidona a om den hi. 16Rehoboam a pate tawh tawlnga ta a, David Khuapi-ah a kivui hi. Tuateh a tapa Abijah in a kumpi za a luah hi. h
Copyright information for
ZomZIV